غير البشر مشرف قسم مواضيع عامة
عدد المساهمات : 530 تاريخ التسجيل : 23/08/2011 العمر : 32
| موضوع: ضــــــــــــاق صــــــدري الأحد سبتمبر 18, 2011 11:25 pm | |
| ضاق صدري و رحت افضفض قاصد ٍ نفس الرصيف ! شفت نور الحي زايد و آنا خبري به ظلام
و الغريب انه خفوقي زاد نبضه .. مدري كيف !! كني طفل ٍ .. يبكي .. خايف .. ضايع ٍ وسط الزحام
اثْرها كانت وراي .. و الضيا ما كان طيف قبل ما اوقف و اسلّم .. قلبي المشتاق قام
ما طرى في بالي الا (يا بَخَت من لك وليف ) عينها بعيني .. و نظره .. رجعتني كم عام
فجأه شفت اشجار تخضر و هْيَ في عز الخريف و هذا هو حال المفارِق يوم يطري له الغرام
يبتسم .. يشبه بشوقه .. للنظر شخص ٍ كفيف الأمل ضايع .. ولكن .. الأماني مو حرام
الثواني تمر و تمضي .. اشهد ان الوقت سيف فجأه قالت ( كيف حالك ) قبل ما ارمي السلام !
كنت احسْب اني قوي .. لين اكتشفت احساسي زيف ما عرفت انطق بكلمه .. شاعر و خانه الكلام !!!
كيف اقول اني بخير و باين بقلبي النزيف ؟ و الملامح بان فيها عين ما عادت تنام
مرتبك .. واقف .. و ساكت .. انفض غبار الرصيف بالعجل هزيت راسي ( يعني اخباري تمام )
و انسحبت بْلا تردد لني انسان ٍ ضعيف و القوي لا شاف موته .. يوم يضعف ما يلام
| |
|